A Poem on Ramazan

Marhaba Sad Marhaba! Phir Aamad-E-Ramzan Hai
Khil Uthe Murjhaye Dil Taza Hua Imaan Hai,

Hum Gunhegaron Pe Yeh Kitna Bada Ehsaan Hai
Ya Khuda Tune Ata Phir Kar Diya Ramzan Hai,

Tujh Pe Sadqe Jaun Ramzan Tu Azeem-Ush-Shaan Hai
Ke Khuda Ne Tujh Me Hi Nazil Kiya Quraan Hai,

Abre Rehmat Chha Gaya Hai Aur Aasman Hai Noor Noor
Fazle Rab Se Maghfirat Ka Ho Gaya Saaman Hai,

Har Ghari Rehmat Bhari Hai Har Taraf Hain Barkatain
Mah-E-Ramzan Rehmaton Aur Barkaton Ki Kaan Hai,

Aagaya Ramazan Ibadat Per Kamar Ab Bandh Lo
Faiz Le Lo Jald Ke Din Tees Ka Mehmaan Hai,

Aasion Ki Maghfirat Ka Le Kar Aaya Hai Pyaam
Jhoom Jao Mujrimo Ramzan Me Gufraan Hai,

Bhaion Kar Lo Gunahon Se Sabhi Toba Ke Ab
Pad Gaye Dozakh Pe Tale Qaid Me Shaitan Hai,

Khush Dili Se Sunnatain Apnaye Jao Bhaion
Khuld Ke Dar Khul Gaye Hain Dakhila Aasan Hai,

Masjidain Aabad Hain Zor-E-Guna Kam Ho Gaya
Mah-E-Ramzan Mubarak Ka Ye Sab Faizan Hai,

Roza Daron Jhoom Jao Kiyounki Deedar-E Khuda
Khuld Me Hoga Tumhen Ye Wada-E Rehmaan Hai,

Do Jahan Ki Nematain Milti Hain Roz-E-Daar Ko
Jo Nahi Rakhta Hai Roza Wo Bada Nadaan Hai,

Ya Ilahi Tu Madine Me Kabhi Ramzan Dikha
Muddaton Se Dil Me Ye Mere Armaan Hai.

Next Page »